In this section...
Bagloriaeth Cymru
English|
Sefydlwyd Cymhwyster Bagloriaeth Cymru er mwyn cynnig profiadau ehangach na'r hyn sy'n bosibl gyda'r rhaglenni dysgu traddodiadol ac mae'n addas ar gyfer amrywiol anghenion pobl ifanc. Gellir ei hastudio trwy gyfrwng y Gymraeg neu'r Saesneg, neu fel cyfuniad o'r ddwy iaith. Mae tair lefel i'r cymhwyster: sylfaen, canolradd ac uwch.
Sgiliau er Cyfiawnder yw'r cyngor sgiliau sector sy'n arwain y gwaith o ddatblygu Diploma 14-19 mewn Gwasanaethau Cyhoeddus yn Lloegr. Mae elfen orfodol y cymhwyster hwnnw, sef Prif Ddysgu, ei hun yn gymhwyster unigol ac mae'n cael ei chyflwyno fel dewis ar gyfer Bagloriaeth Cymru o fis Medi 2011 ymlaen.
|Public Services leaflet (Welsh)
0.67Mb|
Beth yw cynnwys y Cymhwyster Prif Ddysgu mewn Gwasanaethau Cyhoeddus?
Mae'r Cymhwyster Prif Ddysgu yn cynnwys y saith maes cyffredinol o wasanaethau cyhoeddus, sef
- Llywodraeth leol - cyngor ar fudd-daliadau, iechyd yr amgylchedd, safonau masnach
- Llywodraeth ganolog - yr economi a thrafnidiaeth, yr amgylchedd, cynaliadwyedd a thai
- Tai ac adfywio - cymdeithasau tai, timau digartrefedd
- Hamdden, Diwylliant ac Addysg - dysgu, amgueddfeydd, llyfrgelloedd
- Cyfiawnder a'r Gwasanaethau Brys - llysoedd, carchardai, yr heddlu, y gwasanaethau tn ac ambiwlans
- Iechyd Strategol - ymgyrchoedd iechyd cyhoeddus, rheoli busnes
- Y Lluoedd Arfog - Y Fyddin, y Llynges a'r Llu Awyr.
Mae'n cynnwys meysydd fel dysgu am y gwasanaethau cyhoeddus, talu am wasanaethau cyhoeddus, y llywodraeth a deddfwriaeth, cymunedau a gwasanaethau cyhoeddus, hyrwyddo gwasanaethau cyhoeddus a dylanwadu arnyn nhw, a gwasanaethau cyhoeddus sy'n gwarchod cymdeithas.
Beth arall fyddwch chi'n eu hastudio gyda'r Cymhwyster Prif Ddysgu mewn Gwasanaethau Cyhoeddus?
Elfen hanfodol o'r Cymhwyster Prif Ddysgu mewn Gwasanaethau Cyhoeddus yw'r cymhwyster Prosiect. Byddwch yn cwblhau'r cymhwyster Prosiect ar yr un lefel 'r Cymhwyster Prif Ddysgu ac mae'n gymhwyster annibynnol. Mae'r dysgwyr yn rhydd i ddewis eu pwnc ei hunain a datblygu sgiliau i reoli a chyflwyno eu dysgu yn y dull sydd orau ganddyn nhw.
Gall y prosiect ymwneud 'r Prif Ddysgu neu maes arall sydd o ddiddordeb personol ehangach. Mae'n cynnig dull astudio newydd i ddysgwyr a gellir dangos yr hyn maen nhw wedi'i ddysgu trwy gyfrwng y dull sydd orau ganddyn nhw, er enghraifft prosiect ysgrifenedig neu gyflwyniad gyda chymorth amryw o gyfryngau.
Ochr yn ochr 'r Cymhwyster Prif Ddysgu a'r cymhwyster Prosiect, bydd dysgwyr yn cwblhau eu rhaglen graidd o fewn Cymhwyster Bagloriaeth Cymru. Mae hyn yn cynnwys sgiliau allweddol ehangach, addysg yn gysylltiedig gwaith yn cynnwys profiad gwaith, ymchwiliad unigol, Cymru, Ewrop a'r Byd, ac Addysg Bersonol a Chymdeithasol yn cynnwys cyfranogiad cymunedol.
Mae Cymhwyster Bagloriaeth Cymru lawn yn cynnig profiad addysgol mwy cyflawn, yn helpu myfyrwyr i gyflawni mwy ac i fod wedi eu cymhwyso'n well ar gyfer addysg uwch a byd gwaith. Mae hefyd yn gymorth iddyn nhw fod yn ddinasyddion mwy gweithgar.
Beth yw gwerth y Cymhwyster Prif Ddysgu a Chymhwyster Bagloriaeth Cymru o'u cymharu chymwysterau eraill?
- Mae'r lefel Sylfaen yn gyfystyr 6.5 o raddau D-G TGAU
- Mae'r lefel Ganolradd yn gyfystyr 8.5 o raddau A*-C TGAU
- Mae'r lefel Uwch yn gyfystyr 3 lefel A neu 360 o bwyntiau UCAS
Ble ga'i mwy o wybodaeth?
Ewch i www.bagloriaethcymru.org.uk i gael mwy o wybodaeth. Yno ceir canllawiau a thaflenni ar gyfer gwahanol gynulleidfaoedd yn cynnwys myfyrwyr, cyflogwyr a swyddogion mynediad Addysg Uwch.
Edrychwch ar yr adnoddau ar restrir ar y dudalen hon os ydych am gael mwy o fanylion am gynnwys y Cymhwyster Prif Ddysgu mewn Gwasanaethau Cyhoeddus
Adnoddau Defnyddiol
Taflen Bagloriaeth Cymru
Taflen y Cymhwyster Prif Ddysgu
Siartiau llif cyflogi.
